ലോക ഒന്നാം നമ്പർ ചെസ് താരം മാഗ്നസ് കാൾസണെ സമനിലയിൽ തളച്ച് ഒമ്പത് വയസ്സുകാരനായ ഇന്ത്യൻ താരം ആരിത് കപിൽ. പ്രമുഖ ഓൺലൈൻ ഗെയിം പ്ലാറ്റ്‌ഫോമായ 'ഏർലി ടൈറ്റിൽഡ് ട്യൂസ്‌ഡേ' ചെസ് ടൂർണമെന്റിലാണ് ഒമ്പതുവയസ്സുകാരന്റെ നേട്ടം.
അടുത്തിടെ നടന്ന അണ്ടർ-9 നാഷണൽ ചാമ്പ്യൻഷിപ്പിൽ റണ്ണറപ്പായിരുന്നു ആരിത്. അഞ്ചുതവണ ലോക ചാംപ്യനായ താരമാണ് കാൾസൺ. ജോർജിയയിൽ നിന്നാണ് ഡൽഹിക്കാരനായ പയ്യൻ മത്സരത്തിൽ പങ്കെടുത്തത്. അണ്ടർ-10 ലോക ചാമ്പ്യൻഷിപ്പിൽ മത്സരിക്കാൻ വേണ്ടിയാണ് ജോർജിയയിലെത്തിയത്.
അതേ സമയം 11 ൽ 10 പോയിന്റുകൾ നേടി ഇന്ത്യൻ കളിക്കാരൻ വി പ്രണവ് 'ഏർലി ടൈറ്റിൽഡ് ട്യൂസ്‌ഡേ' ടൂർണമെന്റ് കിരീടം നേടി. അമേരിക്കൻ ഗ്രാൻഡ്മാസ്റ്റർ ഹാൻസ് മോക്ക് നീമാനും കാൾസണും 9.5 പോയിന്റുമായി തുല്യത പാലിച്ചു, ടൈബ്രേക്കിൽ നീമാൻ രണ്ടാം സ്ഥാനം നേടി.
Content Highlights:Chess king Carlsen draws; India's nine-year-old boy surprises